رواية وقعت في جحيم قلبه
الفصل الثالث والعشرون و الاخير........
بقلم ايمان هشام
عمر قاعد ف البلكونة سرحان مش حاسس ب رهف ال واقفة جنبه بصاله ومبتسمة لكن عمر ف وادي تاني خالص.....فلاش باك يوم وفاة نجوي ف الغردقة ف بيتهم علي سريرها وحوليها العيال نجوي حالتها أحسنت جدا اخر يومين بعد تعب جامد قاعدة بتضحك مع العيال ورهف وعمر
نجوي بضحك:بس وبعد كده بباكم رماني ف الحجز عشان كبيت العصير ف وشه
حنان بحزن:مش بحبك ي بابي ترمي مامي العسل دي ف أوضة الفيران المعفنة
عمر بضحك وهو حاضن نجوي:مكنتش اعرف اني بحبها بس بعد كده صعبت عليا وحبتها *فضلو يضحكوا ونجوي بتضرب عمر ف صدره بخفة
نجوي بضحك:انت ندل اقولهم كنت بتعمل ايه عشان تكلمني
عامر بفضول :قولي ي مامي مش هنقول لحد
عمر بضحك:انا واثق هتقولي
نجوي:كان كل ما أرفض اقابله يبعتلي البوكس يجي ياخدني غصب عني
عمر بضحك:يعني ي اولاد اخدها افسحها واجبلها ايس كريم وناكل اكلة حلوة ونتصور وهي مش بترضي اخدها غصب ولا لاء
رهف بضحك:تخدها بضرب الجزمة طبعا معلش ي نجوي بس هو الواحد عاوز ايه اكتر من كده
نجوي بابتسامه:عاوز يطمن علي كل ال حوالية قبل ما يمشي *اتنهد عمر ورهف بحزن حضنت نجوي عيالها واحد واحد وباستهم وقف عمر قدام الشباك واداها ضهره ودموعه نازلة
نجوي وهي بتحضن عمرو:اسمع كلام بابي ي عمرو ومتتعبش أبلة رهف دي بتحبكم اووي
عمرو بعياط:انا بكرهك
نجوي بألم:غصب عني والله ي عمرو
حنين بدموع:هو فيه ايه عمرو بيعيط ليه
عامر بتماسك :ولا حاجة يلا بينا ننام مش هتحكيلنا قصة حلوه ي أبلة رهف
رهف بابتسامة:حاضر ي قلب ابلتك روحوا وانا هحصلكم *خرجوا الاولاد لاوضتهم باست نجوي راس عمرو بعد حضن كبير وسابها وجري لبرة
نجوي براحة:عمر *مردش وفضل مديها ضهره حست رهف انها مفروض تقوم وقفت بصتلها نجوي
نجوي بتعب:لاء اقعدي عوزاكي ...عمر ..يعني مش عاوز تودعني قبل ما امشي *بصلها بألم وقعد جنبها وفضل يعيط ف حضنها زي الطفل
عمر:لسة بدري ي نجوي حرام عليكي انا مش هقدر
نجوي بتماسك:خلاص ي عمر دي ساعتي هستناك بين أدين المولي عز وجل متخافش بعدين رهف معاك وانا واثقة فيها ربنا بعتهالك ف طريقك عشان العيال
رهف برفض:لاء ي نجوي انا استحالة اعمل كده مش هقدر
نجوي بحزن:ليه مش بتحبي العيال
رهف بدموع:والله ربنا يعلم انا بحسهم عيالي بس هما مش هيتقبلوني ي نجوي
نجوي براحة:لاء متقلقيش عيالي وانا عرفاهم وعارفة هما عاوزين ايه قعدتك معاهم ي رهف عوضتهم كل الحجات ال انا قصرت فيها اوعديني انك مش هتتخلي عنهم كأم اوعديني ارجوكي
رهف بعياط:انا خايفة لقصر او اكون مش كد المسؤلية دي بس اوعدك اني اعمل اكتر من ال عليا
نجوي وهي باصة لعمر:وصيتي ليك ي عمر اوعي ف يوم تظلم الظلم وحش ي عمر خد بالك من نفسك ومن الاولاد ومن رهف دول أمانة مش كفاية بقا وتودعني *وقفت رهف وهي بتشهق وطلعت لبرة وردت الباب وجريت لاوضتها ودخلت وردت الباب وقعدت علي السرير وفضلت تعيط بحرقة حزينه علي نجوي بس زعلها اكتر علي الاولاد ..عند عمر بعد ساعو نجوي ف حضنه وشها بقا لونه شاحب جسمها سقع ومغمضة عنيها وعمر بيعيط بس بحرقة وهدوء عشان الاولاد ميتفزعوش/.....نرجع بقا من الفلاش
رهف بضحك:عمرررر
عمر وهو بيفوق:هاا بتنادي
رهف بابتسامة:ليا سنين بنادي ي عمر
عمر بحنان:معلش كنت سرحان شوية
رهف بفهم:هممم لحظة اخمن نوجة
عمر بابتسامة:الله يرحمها وحشتني
رهف بغيرة:الله يرحمها
عمر وهو بيحضنها:وانتي كمان وحشتيني
رهف بضحك:كل بعقلي حلاوة زي كل مرة
عمر بضحك:اعمل ايه انتي مبتجيش غير بكده
رهف بحب:عشان بحبك
عمر بغرور:منا عارف *ضربته ف كتفه وزقته ودخلت لجوة بغيظ ..........ف القلعة
حاتم بزعيق:فين الزفته نورة اندهولها
منه بقلق:حصل ايه بس ي حاتم
حاتم بعصبية:بس لما تيجي وتعرفي منها هببت ايه
نورة بخوف:ايوة ي سي حاتم خير عاوز مني حاجة
حاتم بسخرية:اتمسكني يختي زي كل مرة بس انا بطلت اكل من الكلام ده ايه ال بوظ ساعاتي كده انا عارف انك انتي ال وراها
نورة ببرائة:يقطعني انا اعمل كده لاء طبعا
حاتم بزعيق:زفتتته
مهند وهو نازل:ايه ي ابية بتكلمها كده ليه
حاتم بعصبية:شوف ياخي خطيبتك فاكرة نفسها عيلة صغيرة ده غادة متعملش ال هي بتعمله بوظت كل ساعاتي ليييه نفسي اعرف ايه السواد ال جواكي ده نحيتي ليه
مهند بعصبية:حاتم مسمحلكش تهينها بالشكل ده هي لو السبب انا هجبلك زيهم
حاتم ببرود:يعني انا مقدرش اجيب مثلا هي عملت كده ليه
منه بعصبية:اهدي ي حاتم ممكن تكون نورة مظلومة
نورة بهدوء:انا فعلا ال عملت كده *كله بصلها
حاتم بجمود:صدقتوني
منه بصدمة:ليه ي نورة عملتي كده
مهند بحزن:نورة لييه
غادة وهي ماسكة كتاب لنورة:عشان تطبق النظرية دي بتحاول تشوف هتنجح ولا لاء ف جربت ف ساعات ابية عشان كتيرة وقالت انه مش هيحس
حاتم بصدمة:قوم تجربي ف كل الساعات بتاعتي
نورة بهدوء:اندمجت ف الشغل ومحسيتش غير وانا بدور علي ساعة تاني وملقتش انا اسفة هحاول اعوضك ال باظ*وسابته وطلعت ف الجنينه بص مهند ل حاتم بغيظ وكذلك منه وسابوه ومشو عند نورة .....عند سيف
احلام بنعس:الساعة دخلت علي ١٢ مش هتنام
سيف بتعب:خلاص هطفي الابتوب وهاجي *خلص شغله وطفا النور وراح لسريره عشان ينام
احلام بنعس:احنا هنمشي امتي
سيف بحنان:خلاص غيرت رأيي هنفضل ف مصر علي طول مع عيلتي
احلام بفرح:أخيرا الحمد لله انا بجد فرحانه ي سيف
سيف بضحك:طب اتخمدي عشان عاوز انام
احلام براحة :تصبح على خير
سيف:وانتي من اهل الخير.........عند شهاب رحمة زقته برجلها وقع تحت السرير
شهاب بألم:اااه ليه يبت الناس
رحمة بألم:بولد باااااولد
شهاب ببرود:يشيخه انتي كل يوم بتقولي بولد وف الآخر يطلع مفيش ولاده نامي ي رحمة للصباح رباح
رحمة بصراخ:آآآآآآه شهااااب هموتك بولد والله *ولع شهاب النور وراح بكسل لعندها وشال الملاية لقي مية ماقبل الولادة نزلت
شهاب بخوف:انتي بتولدي ي رحمة
رحمة بصراخ:شهاااااااااااااب*........الساعة ١ بالليل الكل ف المستشفي مستنين رحمة تولد بعد انتظار ساعة طلعت الممرضة ومعاها بنوتة صغيرة شالها شهاب بحذر وفرحة الكل حواليه بيتفرج عليها
منه بدموع:شبهك ي شهاب
حاتم بسخرية:يبقا هتعنس من دلوقتي
مهند بضحك:حرام عليك مش كده
سيف بابتسامة:انا هخدها ل اسلام
احلام بضحك:لسة بدري علي الكلام ده
غادة بزعيق:انتو ياقوم متسألوا علي الأخت ال مرمية جوا دي عايشة ولا ميته
حاتم بصدمة:بعد الشر اتلمي ي مقصوفة الرقبه
شهاب بوعيد:لما نرجع
منه بتحذير:ليكي حساب ف القلعة
نورة بشماته:احسن *خرج الدكتور
حاتم بلهفة:أخبارها ي دكتور
الدكتور بفرح:زي الفل ماشاء الله ربنا يحفظها نص ساعة وهننقلها ف أوضة عادية تقدروا تشوفوها بس مش العدد ده كله طبعا
حاتم بهدوء:تمم انا هشوفها
منه بلهفة:وانا
شهاب بعصبية:انا ال هشوفها الأول *وابتدا الكل يعلي صوته
حاتم بزعيق:باااس مسمعش نفس انا وشهاب هندخل الأول وبعدين نبقا نشوف هنعمل ايه
منه بغضب:ايه الظلم ده
حاتم بتحذير:الكل سامع *سكتوا ، واتقمصوا وكل ال حاضر ربع ايده بزعل .......بعد اسبوع الكل ف نص القلعة متجمعين بعلقوا زينه وبلالين وال بيروق الطربيزة من أصناف الحلويات ال عليها
منه بضحك وهي بتعلق الزينه:يعني ملقتوش غير رودينا
رحمة بغيظ وهي شيله النونو:ماله رودينا تحفة
غادة بفرحة:وندلعها رودي ونقولك ي ام رودي
منه بقلق:اومال نورة فين
مي باستغراب:معرفش مش باينه من الصبح ....*ف جنينه القلعة جنب النافورة قعدة نورة بتلعب ف المية مع سمك الزينه بهدوء
حاتم من وراها:ايه مش بتعلقي الزينه معاهم ليه
نورة بهدوء:هيكون احسن لو علقوها مع بعض مش عاوزة ازعجهم ولا ازعلهم *اتنهد حاتم بحزن وقعد جنبها
حاتم بهدوء:هيزعلو من ايه انك معاهم وبتساعديهم
نورة بحزن:لاء بس ممكن يصدر اي تصرف مني من غير قصد وحد يفهمني غلط ويزعل وده يوم حلو مش عاوزة حاجة تنغص عليهم
حاتم بضحك:تصدقي فكرتيني بساعاتي ي جزمة ملقتيش غير ساعاتي انتي عارفة انا من كل بلد بزورها بشتري ساعة ذكري من البلد دي
نورة بحزن:انا فعلا مقصدش والله كنت فكراها هتنجح
حاتم بضحك:لو كنتي قولتيلي من الاول كنت جبتلك كرتونه كاملة
نورة بهدوء:يعني مش زعلان مني
حاتم بابتسامة:ازعل من اختي الصغيرة لاء طبعا وانا ليا حد غيركم ف الدنيا دي من وقت ما جيتوا ومليتوا القلعة دوشة وخناقات بس ده احسن مليون مرة من الهدوء والوحدة عارفة ي نورة دي حياتنا ومش هنعيشها غير مرة واحدة ولازم نختار بنفسنا هنعيشها ازاي طلاما مفيش غيرها
نورة بابتسامة:ياسيدي ياسيدي ايه الكلام الحلو ده اكيد من منه الكلب
حاتم بضحك:منه الكلب اروح اغلس عليها دلوقتي يلا تعالي اكيد بيسألوا عليكي جوة *قامت براحة ومشت معاه لجوة القلعة........بعد مرور عام منه واقفه علي صوابع رجليها بفرح وباصه لتحت من بلكونه اوضتها شافت حاتم داخل القلعة جريت لاوضتها واستخبت ف الدولاب خلال دقايق دخل حاتم
حاتم بهدوء:منه ...هممم شكلها مش قاعدة طيب انا هنزل اشوفها تحت *وسمعت منه صوت رجله طلعت لبرة حاتم بخبث بعد ما خرج من الاوضة قلع الجزمة ودخل تاني بص تحت السرير ملقهاش عرف انها ف الدولاب فتح اول ضرفه بسرعة مش قعدة فضل يفتح ضرفه ضرفه لحد ما وصل لآخر ضرفه وقف قدامها بخبث ومد ايده وفتحها
حاتم بصوت عالي:اعاااااا
منه بصراخ:اااااااه سيبني *مسكها من دراعها وشالها علي كتفه
منه بترجي:حاتم مش هينفع نزلني والله الشيله دي هتتعبني
حاتم باستغراب:ده انا بشيلك اكتر ما بتمشي دلوقتي شيلتي بقت متعبة *نزلها لما لاحظ سكوتها بصلها لتحت وهي ساكته
حاتم بقلق:في ايه ي منه مخبية عليا حاجة
منه بدموع:انا تعبت فجأة انهاردة واغمي عليا
حاتم بخوف:وبعدين
منه وشها حمر :روحت للدكتور وطلب تحاليل حللت قالي
حاتم بقلق:قالك ايه انطقي
منه بدموع:قدامي سبع شهور و و*وفضلت تعيط
حاتم بفزع:في ايه قالك ايه منه انطقي زفته
منه بشهيق:قالي ان اني حامل وهولد بعد سبع شهور*بصلها بصدمة وراح للسرير اترمي عليه وهو باصص للسقف وعمال ينهت قعدت جنبه منه وهي بتعيط
حاتم بهدوء:اقسملك بربي اني مش هعديلك ال عملتيه ده
منه بعياط:عملت اييييه
حاتم بدهشة:اموت واعرف بتعيطي ليه ده انتي حاااامل*وقف وشالها وفضل يلف بيها وهي بتعيط
حاتم بضحك:ي هبلة بتعيطي ليه
منه بضحك وسط دموعها:من الفرحة والله
حاتم وهو بينزلها:هممم ولد ولا بنت هنسميها ايه بفكر ف حبيبة نتيجة حبنا
منه بضحك:ولو ولد
حاتم ببرود:نسميه متولي
منه بضحك:حاتم اتلم هسميه فارس بحب الاسم ده
حاتم بغيرة:لاء هنسميه حمزة
منه وهي بترقص باليه:حمزة حاتم هممم مش بطال بردو ولو بنت حبيبة حاتم هبقا ام ي حاتم
حاتم بضحك:واخيرا هبقي اب بس تروحي للدكتور من غير ما تقوليلي
منه بتهرب:منا كنت حابة اعملهالك مفاجئة
حاتم بغيظ:منه نورة الكلب صح
منه بضحك:ومهند كمان *طلع حاتم برة اوضته وراح لاوضة مهند خبط جامد فتح مهند بكسل
مهند بيتاوب:خير ي*خد بوكس رجعه خطوات لورا
مهند بقلق:كان غصب عني انت عارف مقدرش اقولها لاء
حاتم بغيظ:تطاوعها عليا
مهند بضحك: يحاتم هي كان
نورة بردح:جرا ايه ي سي حاتم انت مش لاقي ال يقفلك هنا ولا ايه
حاتم وهو بيبص لورا:لو جدعة خليكي واقفة مكانك *طلعت تجري من باب الاوضة لبرة وحاتم وراها وكذلك مهند ومنه ال فطسانين ضحك نزلو للسلالم
منه بحذر:طب استنوني مقدرش الحقكم *الكل نزل تحت
حاتم بفضول:مشوفتيش نورة ي فؤاد
فؤاد بضحك:اكيد عملت مصيبة
غادة بضحك:انا شفتها ف الاسطبل استخبت
فؤاد بغيظ:بقك مش بيتبل فيه فولة يبت انتي الفتنه حرام
غادة بضحك:خلاص ي مولانا الله يرحم ايام جيك السكران
فؤاد بضحك:خلاص بقا ربنا سامحني وانتي هتزليني ده انتي لو مسكوكي الصدقة لترميها البحر ومتديش حد *الكل فضل يضحك
منه بابتسامة:مش هتروح وراها
حاتم بلؤم:خليها قعدة ف الاسطبل لحد ما تتعب ده عقابها وانتي عقابك
منه وهي بتجري لفوق:عقاب ايه انا مظلومة ي سي حاتم *جري وراها وشالها وطلع تحت استغاثتها
منه بحنين:فاكر يوم فرحنا
حاتم بابتسامة:ولو عايزة نعمل واحد تاني بكرة
منه بضحك:هي اول مرة احلي مرة....فلاش باك من ٤شهور/منه قعدة قدام المرايا وجنبها ميكب ارتست بتظبطلها المكياج هادي مع فستانها الأبيض مرصع بالخرز حوليها البنات
رحمة بدموع:أخيرا ي حاتم هتعملها
نورة بغيظ:ايوة يختي اخيرا
غادة بعياط:انا مش عوزاكي تسيبينا ي منه
منه بدموع:ابوس ايدك دي تالت مرة اعدل المكياج مش عاوزة اعيط انا قولتلك مش هسيبكم والله انا ف أوضة حاتم وهقعد
مي بضحك:يختي مهي متلقحة معاكم ف نفس البيت هتروح فين
رحمة وهي بتشرب رودي:انا عارفة فين محمد صح ي مي
مي بقلق:تصدقي نسيته مه ابوه
رحمة بضحك:وهو ابوه هياكله
مي بخوف:لاء يختي ابوه مع مهند انا اروح انقذ ابني ولااااادي *قالتها بطريقة مضحكة وجرت لبرة فضلو يضحكوا وقفت منه بعد انتهاء المكياج وخدوها البنات لبرة وفضلو يزغردو أصرت نورة هي ال تنزلها بصلها حاتم بهيام تحت عند نهاية السلم محسش غير بنورة
نورة بغيظ:وربي وما اعبد لو زعلتها
حاتم ببرود:ملكيش دعوة مراتي *وخدها بالعافيه منها
منه بضحك:نفسي اسمع صافي ي لبن بينكم
نورة وحاتم:مستحيل
منهد بضحك:حبيبتي مش يلا نرقص معاهم
نورة بغيظ:حبك برص اتنيل بعيد عني
مهند بلؤم:خلاص انا عزمت نونا هروح اخليها ترقص معايا *مسكته نورة من دراعه بعصبيه وراحت جنب حاتم ومنه ال بيرقصو سوا
نورة بضيق:انا مش قولت البت دي متكلمهاش تاني
مهند بضحك:حاتم ال عزمها هي طيبه اووي علي فكرة*بصتله بعصبية بص لفوق وفضل يصفر
منه بضحك:نورة هتولع ف الكل
حاتم بهدوء:نفسي اعرف البت دي مالها ملبوسة ولا ايه
منه بضحك:خايفة عليا لتجرحني ف يوم من الايام او تيجي عليا او ابعد عنهم
حاتم بابتسامة:ان شاءالله اموت قبل ما أعمل كده
منه بخوف:بعد الشر متقولش كده تاني ونبي
حاتم برومانسية:بحبك
منه بإحراج:طيب
حاتم بضحك:من امتي الكسوف ده مش كنتي بتشدي ف شعري من يومين علي الفستان القصير ال كنتي عوزاه
منه بتذكر:اه انا كنت هموت عليه حرام عليك ي حاتم
حاتم بضحك:انا اشتريته بس ابقي البسيه ف الاوضة
منه بضيق:ي حاتم محدش غريب كل دول من اهل القلعة صح ي حاتم هي ليه اسمها قلعة ابليس
حاتم بشرود:معرفش
منه بهدوء:سمعت ان عشان ديما بتولع من غير سبب ف قالو انها مسكونه
حاتم بسخرية:من غير سبب ومسكونة ويترا ابليس ال ساكنها .......نرجع بقا من الفلاش
منه بضحك:ابليس ال ساكنها
حاتم بسخرية:ده ابليس يخاف مني
منه بضحك:انا مش بقرا المعوذتين قبل منام عشان انت جنبي يعني الشيطان هيخاف منك فعلا حبيبي ايمانه قوي صح صليت العشا
حاتم بابتسامة:الحمد لله *قالها وهو بيحضنها بحب .....بعد شهرين صحيت منه علي ريحة فل قامت مكشرة
منه وهي بتقعد:ابعد ي حاتم
حاتم باستغراب:ده فل
منه بقرف:بطني قالبه لوحدها
حاتم وهو بيحطها علي الكوميدينو:هاا حلمتي بكوابيس تاني
منه براحة:لاء الحمد لله انت عملت ايه
حاتم بهدوء:ابدا يستي فضلت الليل كله اقرا عليكي قرآن لحد ما الفجر إذن اتوضيت وصليت ونمت
منه بحزن:مكنش ليه لزوم
حاتم بابتسامة:وانا انام ازي وانتي كل ليلة تقومي تصرخي وحبيبتي مخبية عني الكابوس ومش راضيه تقولي
منه بخوف:لو قولت الكابوس هيتحقق
حاتم بضحك:خرافات مين قالك كده" قل لن يصيبنا إلا ما كتب الله لنا "
منه براحة:ونعم بالله قوم بقا عشان *ومكملتش كلامها ودخلت الحمام رجعت
حاتم بقلق:منه تعبانه خالص من امبارح هنروح للدكتور انهاردة
منه برفض:لاء ي حاتم الدكتور قال ان ده شئ طبيعي انا هاخد العلاج وهبقي كويسة
حاتم بهدوء:تمم بس اجهزلك فطار الأول
منه باستغراب:هي سعاد والخدم مش قاعدين
حاتم بحنان:لاء مشيت الكل انهاردة عشان ناخد نفسنا شوية البسي ال عوزاه انهاردة احنا لوحدنا ف القلعة كلها بس برة باب القلعة متعتبيش عشان الحرس
منه بفرحة:حاضر نزلو سوا وابتدو يجهزوا الفطار
حاتم وهو بيعمل بيقطع السلطة:لكن نفسي اعرف ايه ال خلي جيك اسلم
منه بضحك:اقولك ومتجيبش سيرة لحد
حاتم بفضول:قولي
منه بابتسامة:البت غادة
حاتم بضحك:كنت حاسس انها مقصوفة الرقبه ورا الموضوع ده
منه بضحك:فضلت وراه لحد ما اسلم
حاتم بضحك:بس اعتقد انه اسلم كمان لسبب تاني جنب انه حابب الإسلام
منه بابتسامة:ايوة فعلا ربنا معاها تخلص بس التمريض وبعدين نتكلم ف الموضوع ده ......*بعد نص ساعة كانوا بيفطروا فوق
منه بهدوء:حاتم كنت حابة اقلك علي حاجة
حاتم بقلق:خير تعبانة
منه بابتسامة:لاء بس انا اعتقد ان انا اخترت الاسامي
حاتم باستغراب:اسامي ايه
منه بابتسامة ودموع:هسمي حمزة وحبيبة
حاتم باستغراب:مش فاهم*لحظات من السكوت
حاتم بتماسك:متقوليش توأم
منه هزت راسها:اه والله العظيم
حاتم بتكشير :ايه ده
منه بقلق:في ايه
حاتم بفزع:ريحة بنزين
منه بخوف:انا مزكومة مش شامة حاجة
حاتم وهو بيبص من شباك اوضته الحرس مش قاعدين جري لباب الاوضة وقفلو كويس
منه بخوف:في ايه *طلع حاتم مسدسه من الدولاب وطلع موبايله ورن علي شهاب مردش رن علي مهند
مهند بضحك:اتوحشتنا
حاتم بعصبية:مهند تيجي بالمركب من ناحية الشط
مهند بقلق:فيه ايه ي حاتم
حاتم بزعيق:مهند مش وقته *فصل حاتم موبايله
منه بعياط:انا محكتش لحد انا مقولتش لحد
حاتم باستغراب:متقلقيش انا معاكي
منه بنحيب:الكابوس ي حاتم انت هتسيبني
حاتم وهو حاضنها :اوعدك اني مش هسيبك اهدي بقا *ابتدي يشم ريحة نار عرف ان القصر بيولع طلع من البلكونه وبص لتحت ناس مقنعين ومسلحين ضربوا نار اتصاب حاتم ف دراعه ودخل بسرعه
منه بصراخ:حاتمممم يلهوي هنعمل ايه *قالتها وهي بتعيط وبتلطم حضنها حاتم وفضل يهدي فيها الجرح مش واجعه كد خوفه عليها النار ذادت ودخلت من تحت الباب حاول يطفي حاتم فيها بس مفيش فايدة بعد لورا وراح بعيد عن الأثاث والحاجة عشان النار ابتدت تمسك ف العفش خلال دقايق والنار فكل مكان حوليهم وحاتم حاضن منه وهو بيبص حوليه بيدور علي مخرج بس مفيش القلعة كلها ولعت فتح باب الاوضه لقي العواميد الخشب النار ماسكه فيها وسداه عفش الاوضه ولع هما ف نصها ومفيش مخرج منه بتعيط وبتكح وهي متشعبطه فحضنه برعب
منه بنحيب:خلاص ي حاتم مفيش فايده شكلها نهايتنا كح كح
حاتم برعب ودموعه نازله وهو حاضنها:مش هسمح لحاجة تحصلك انا المفروض اموت محروق انتي مكانك مش هنا دي موتي انا مش انتي انا هخرجك
منه بعياط وهي ماسكة وشه: بصلي بس ي حاتم خلاص دي بدايه النهاية انا بحبك وهفضل بحبك لحد ما اخر نفس فيا يطلع معاك ربنا شايلنا الأحسن ف الآخرة ان شاء الله
حاتم بدموع:انا معملتش حاجة عدلة ف الدنيا ولا عملت للاخرة ي منه
منه بعياط:ربنا غفور رحيم وبعدين انت ندمت وانا مش هكون مبسوطة ف الجنة من غيرك وربنا رحمته وسعت كل شئ متقلقش
حاتم برفض:لاء مش دي النهاية لاء*هز راسه بطريقة هستيريه وبعدين افتكر بص للسقف ومسكها من اديها وجري ناحية السرير ووقفوا عليه بعيد عن الجزء ال بيتحرق
منه بخوف:بتعمل ايه*فضل ينط حاتم لما لحق الابجورة ال ف السقف وشدها وقعت وفيها سلسلة حديد شدها حاتم ونزل سلم خشب
حاتم بزعيق:يلا اطلعي *طلعت منه ووراها حاتم مكان ضلمه فضلو يطلعوا كتير لحد ما بان النور وطلعت علي قمة القلعة مكان صغير زي أوضة صغيرة بس مكشوف وسور بسيط ارتفاعه متر بص حاتم بحذر لتحت وشاف القلعة محاصرة وحتي ناحية البحر من بلكونته محاصرة بالمسلحين بس الجزء المظلم ال بيطل علي البحر فاضي خلال دقيقة شاف مهند جاي بمركب صغير مع شهاب ووقفو ف المكان المظلم من القلعة بص حاتم حواليه لقي كوميدينو قديم فتحة فضل يطلع حجات حبل قديم بس تخين وشديد وهدوم ومنجل قاس الحبل لقاه قصير متر ربط حاتم الحبل حولين منه
منه بعياط:بتعمل ايه
حاتم بتماسك:هنزلك
منه برفض:وانت
حاتم بابتسامة:جاي وراكي علي طول
منه بعياط:انزل انت الاول
حاتم بابتسامة:هنزل وراكي وعد *حضنته منه بشهيق حاوطها باديه بتوديع شم ريحة شعرها لآخر مرة باس راسها وخدها لآخر مرة
حاتم بابتسامة:بحبك
منه بعياط:مش هقولها غير لما اولد وتكون معايا
حاتم بضحك:وانا كمان بموت فيكي *راح ناحية الحافة ووقفت عليها
منه بخوف ولأول مرة:حاتم انا خايفة
حاتم بابتسامة:طلاما انا معاكي يبقا متخافيش*نزلها من بين حضنه بالحبل بعد ما ربطه فيه عشان مفيش حاجة يربطها فيه لحد ما قربت توصل
رجل مش غريب:هاتم *قالها بعد ما ضربه بالنار *مسك حاتم المنجل وقطع الحبل وقعت منه ف المركب علي شهاب ومهند
منه بصراخ:حاااااااتم *كان باصصلها بوداع بص وراه بكره وشاف الراجل نفس الراجل ال شغال عند الرئيس ال راحله حاتم ف روسيا زيارة المقابر
الرجل بسخرية:أجل انه هو ي هاتم من أشعل القلعة مرارا وتكرارا وكانت عائلتك اخر من مات فيها لكن الآن موعدك لتقابلهم*حاتم ف خلال الكلام وقع ف الارض علي وشه والدم اتصفي اول ما شاف مهند حاتم وقع اتحرك بالمركب ومشي مسك شهاب منه ال بتحاول تنزل المية وهي بتصرخ وبتنده عليه بكل ألم ونحيب مشي مهند وكل الذكريات الحلوة مع حاتم مرت قدامه فضل يعيط زي العيل هو وشهاب مشيوا لحد ما اختفوا بعيد عن قلعة ابليس.......
بعد مرور ٢٢سنة
حبيبة بضيق:ي ماما مش عاوزة اطبخ الطبخ ده للخدم
منه بغيظ:خدم مين ي معفنه امك كانت اشطرها طباخة
حمزة بضحك:ي ماما منا بطبخ اهو عاوزة ايه تاني
منه بصداع:انا ايه جرا لعيالي واحد بيطبخ والتانية شرطية هي الدنيا جرا فيها ايه
مهند وهو داخل:سامع صوتكم من علي اول الشارع
نورة وهي بتضحك:ي منه وسعي عقلك انا
حمزة بفرحة:امل جات معاكم
نورة بغيظ:اسمع يلا الا امل فاهم
امل وهي داخلة:اتوحشتوني
حمزة بسعادة:اوووي يبنت خالتي
مهند بغيظ:لمي ولدك ي منه
منه بضحك:ال عملته ف بنات الناس زمان هيتردلك ي مهند
فارس وهو داخل:ليه بابا عمل ايه ف بنات الناس زمان
مهند بتهرب:كنت
غادة وهي داخلة:بياخد منهم الشكولاته وياكلها*فضل الكل يضحك غادة وفؤاد وبناتهم ٣ سمية وحنان وأسماء وكمان مي جات ومعاها ذياد وتقي وجلال
ورحمة جات مع شهاب ورودي وجني مننساش سيف واحلام معاهم اسلام وإيمان وسندس العيلة اتجمعنت ف قصر كبير اشتراه حاتم من وقت ما اتجوز منه وكتبه بأسمها كان هدية عيد جوازهم ال هيجي عليهم بس ملحقش اما رهف عمر اتوفي من خمس سنين أولادها اشتروا بيت كبير عاشو فيه سوا البنات اتجوزت بقت تيجي تزور مامتهم علي طول بيعاملوها علي انها مامتهم محرمتهمش من اي حاجة ف الدنيا حتي صحتها ادخرتها ليهم وهما قدروا ده بقت ام وجده مظنش ان هي عاوزة حاجة اكتر من كده ورحمت ربي وسعت كل شئ
....باليل ومنه نايمه ف اوضتها مع حبيبة
حبيبة بفضول:ماما هو انتي كنتي لبابا ايه
منه بضحك:كنت بنته طفلته او زي كده متقولي ديما بيناديني صغيرتي كنت كل دنيته وهو كان الكون بتاعي
حبيبة بضحك:ايه الرومانسية دي
منه باشتياق:اه فعلا
غادة بفضول:يعني لو حياتك معاه كانت هتبقا رواية هتختاريلها اسم ايه
منه بشرود:.....هممم مش عارفة
حبيبة بحماس:ايه رايك ف صغيرة المافيا
منه برفض:لاء اعتقد "وقعت في جحيم
تمت
